काठमाडौं – चन्द्रागिरि हिल्सले महाशिवरात्रि अवसरमा केबलकार टिकटमा ५० प्रतिशत छुट दिने घोषणा गरेको छ। फागुन १४ गते पर्ने महाशिवरात्रिका दिन विशेष भक्तिमय कार्यक्रम र महाआरती आयोजना गरिने कम्पनीले जनाएको छ।
चन्द्रागिरिमा अवस्थित भालेश्वर महादेव मन्दिरमा श्रद्धालुहरूको भीड लाग्ने भएकाले यस वर्ष पनि भव्य रूपमा महाशिवरात्रि मनाइनेछ। भक्तिमय भजन कार्यक्रमसँगै साँझ ५ बजेपछि विशेष महाआरती गरिने छ।
कम्पनीका अनुसार महाआरतीका अवसरमा साँझ ४ देखि ६ बजेसम्म यात्रुहरूले केबलकार टिकटमा ५० प्रतिशत छुट प्राप्त गर्न सक्नेछन्। भक्तजनहरूका लागि धार्मिक तथा सांस्कृतिक कार्यक्रमसमेत सञ्चालन गरिने छ।
What’s your Reaction?
