१४ असोज २०७९ – रामेछाप । काठमाडौंको कोटेश्वर, जडीबुटी र भक्तपुर देखि रामेछापको सुनापति गाउँपालिकाको विभिन्न गाउँगाउँमा छुट्ने सुनापति यतायातका टाटा सुमोले यात्रुसँग चाडपर्वको मौका छोपी दोब्बर भाडा अशुल्ने क्रम तीव्र भएको छ । यात्रुको चाप बढ्दै गएपछि रिजर्भ जाने बाहनामा यात्रुसँग दोब्बर भाडा अशुल्न सुरु गरेका हुन् ।चाडबाडको बेला अनिवार्य यात्रा गर्नुपर्ने यात्रुको बाध्यतालाई सवारीधनीले मौकाको फाइदाको रुपमा लिने गरेको सर्वसाधरणको गुनासो छ।अहिले काठमाडौंबाट छुट्ने अधिकांश सुनापति यतायातका टाटा सुमोहरुले टिकट दिएका छैनन् । तोकेको ६००,७००,८०० सय रुपैयाँ भाडालाई १२००, १३००, १५०० सय रुपैयाँ तिरेका छन् । टिकट काउन्टर बन्द गरेर बाहिर दलाल मार्फत दोब्बर भाडा अशुल्ने गरेका छन् ।देशमा संघीयता आयो, स्थानीय सरकार र प्रदेश सरकार पनि आए तर रामेछापमा प्रमुख जिल्ला अधिकारी (प्रजिअ), (डीएसपी) पनि धेरै फेरिए ...
